З мэтай захавання гістарычнай памяці і 80-годдзя з дня Перамогі ў Падсвільскай гарпасялковай дзіцячай бібліятэцы дзейнічае кніжная выстава- прагляд “Девятый день ликующего мая”.

"Кнігі, прадстаўленыя на выставе, расказваюць пра гераізм савецкага народа і пра подзвігі воінаў, здзейсненыя ў імя Радзімы. Прачытаўшы старонкі гэтых кніг, вы  адчуеце дыханне Вялікай Айчыннай вайны. Радок за радком вас будуць суправаджаць салдаты і матросы, партызаны і падпольшчыкі, працаўнікі тылу, паэты, пісьменнікі і журналісты, якія пакінулі нам у спадчыну – праўду пра вайну. Чытанне кніг вядомых аўтараў дапаможа ўбачыць знутры падзеі Вялікай Айчыннай вайны і зразумець цану Перамогі",   —   так распавядаюць бібліятэкары маленькім наведвальнікам бібліятэкі пра жахлівае і гераічнае мінулае нашай краіны.

Для кожнага чалавека самае галоўнае ў жыцці — сям'я. Сям'я  —  гэта блізкія і родныя людзі, якім мы жадаем дабра і шчасця, каго любім, з каго бярэм прыклад, пра каго клапоцімся. Менавіта ў сям'і вучымся любові, павазе, адказнасці.

Напярэдадні Сусветнага дня сям'і супрацоўнікі бібліятэкі аформілі  фотавыставу "Шчаслівая сямейка ў аб'ектыве". На ёй прадстаўлены фатаграфіі, на якіх адлюстраваны сучасныя  сем'і на свяце, на адпачынку, на прыродзе, у хатняй абстаноўцы. А таксама мастацкія творы пра сям'ю: казкі, аповесці, апавяданні класікаў рускай і замежнай літаратуры, сучасных аўтараў.

Афіцыйнымі сімваламі Беларусі  з'яўляюцца дзяржаўныя герб, сцяг і гімн. Аднак, у нашай дзяржаве існуюць і неафіцыйныя сімвалы,  дзякуючы якім яе ведаюць і паважаюць далёка за межамі. Гэта —  васількі, цудоўныя сінія кветкі-вочкі нашай любай краіны. Менавіта ім была прысвечана творчая гадзіна “І тчэ, забыўшыся рука, цвяток Радзімы   —  васілька…”

Бібліятэкары расказалі  дзецям, чаму васілёк з'яўляецца сімвалам Беларусі, пазнаёмілі іх з легендай  “Чаму васілек васільком завецца?” Выхаванцы садка  з радасцю адгадвалі загадкі пра кветкі і слухалі вершы беларускіх паэтаў пра Беларусь. Актыўна прайшла гульня “Перакладчык”. 

Мерапрыемства закончылася творчым заняткам  —  разам малявалі васількі і стваралі аплікацыю. Гадзіна творчасці прайшла ў вясёлай сяброўскай атмасферы.

22 мая з маленькімі выхаванцамі дзіцячага садка бібліятэкар правяла гадзіну гучнага чытання і абмеркавання “Казкі пра дурнога мышаня” Самуіла Маршака.

Дзеткі з вялікай цікавасцю праслухалі казку, актыўна адказвалі на пытанні віктарыны. А пасля абмеркавання прачытанага зрабілі выснову, што капрызы і непаслушэнства прыводзяць да бяды!  Закончылася мерапрыемства вясёлай гульнёй “Кот і мышы”, дзе кожны змог паўдзельнічаць у захапляльных прыгодах! Мерапрыемства прайшло насычана, займальна і вельмі спадабалася дзецям.

Кожны чалавек мае схільнасць да шкодных звычак. Некаторыя з іх здаюцца бяскрыўднымі, а іншыя ствараюць  сур'ёзныя праблемы. Анак, усе шкодныя звычкі аказваюць негатыўны ўплыў на арганізм чалавека і яго паводзіны.

Супрацоўнікі бібліятэкі да Сусветнага дня без тытуня  падрыхтавалі і правялі гадзіну развагі “Шкодныя звычкі. Змагаемся або здаемся?”

Бібліятэкары ў даступнай форме распавялі школьнікам пра паняцце "звычка", якія  звычкі лічацца карыснымі, а якія перашкаджаюць быць здаровымі, на што ўплываюць звычкі. Падчас мерапрыемства ўдзельнікі выказалі свой пункт гледжання і адказалі на пытанне  “Чаму я супраць шкодных звычак?”

Гутарка прайшла прадуктыўна, прысутныя зрабілі вывад: трэба ўмацоўваць сваё здароўе, развіваць сілу і цягавітасць, займацца спортам і творчасцю.

Каляга А.І., заг. Падсвільскай гарпасялковай бібліятэкі