Удзельнікі аздараўленчай групы “Эдэльвейс” і члены студыі паэтычнай творчасці Глыбоцкай цэнтральнай раённай бібліятэкі “Сустрэчы для душы” падрыхтавалі святочны міні-канцэрт “Этот праздник называется весна”.

Канцэрт адбыўся ў зале Глыбоцкага фізкультурна-аздараўленчага комплекса. На яго былі запрошаны супрацоўнікі комплекса, інструктары па плаванню і тэхнічны персанал. Для гасцінных гаспадароў гучалі песні і вершы, прысвечаныя каханню, вясне, жыццю...

Ад імя супрацоўнікаў фізкультурнага комплекса выступіў Сіўко Мікалай Леанідавіч, які павіншаваў усіх жанчын, якія прысутнічалі на сустрэчы, а ўдзельнікам канцэрта падарыў салодкія пачастункі. На мерапрыемстве  панаваў радасны святочны настрой!

Святочная праграма ”Милые! Родные! Неповторимые“ адбылася напярэдадні жаночага свята ў актавай зале Глыбоцкай цэнтральнай раённай бібліятэкі. Свята праводзілася наведвальнікамі Глыбоцкага ТЦСАН і супрацоўнікамі цэнтральнай раённай бібліятэкі.

Вядучымі святочнай праграмы былі Марыя Азаронак і Алеся Ціхановіч, супрацоўнікі Глыбоцкага ТЦСАН. На мерапрыемстве гучалі песні ў выкананні Анастасіі Стралкоўскай, Юліі Кузьміч, Таццяны Даніловіч, Вольгі Буртыль, прысвечаныя матулям, каханню, вясне. Гумарыстычныя сцэнкі, аптымістычныя гараскопы і актыўныя гульні стваралі вясёлы настрой гасцям бібліятэкі. 

Бібліятэкары са свайго боку падрыхтавалі літаратурную прэзентацыю ”Стихов прекрасных женщины достойны“ з відэавершамі вядомых паэтаў -- Р. Раждзественскага, А. Дзяменцьева,  Э. Асадава. Кіраўнік студыі паэтычнай творчасці “Сустрэчы для душы” прачытала прысутным казку-прытчу пра нябеснага анёла, імя якому -- МАМА!

Свята атрымалася светлым і лірычным, вясёлым і і шчырым, за што вялікі дзякуй супрацоўнікам ТЦСАН і бібліятэкі!