Студзень у Чарневіцкай сельскай бібліятэцы пачаўся прэзентацыяй краязнаўчай выставы “Глыбоччына любімая мая, - тут веліч спраў, пачуццяў глыбіня”, прымеркаванай да 85-годдзя Глыбоцкага раёна. На выставе прадстаўлены матэрыялы па гісторыі раёна, аб славутых земляках, вядомых юбілярах і юбілейныя кнігі краязнаўчага зместу.

Калейдаскоп экалагічных прыгод “Таямніца снежнага крышталя” стаў працягам навагодне-зімовых літаратурных адкрыццяў. Вучні Чарневіцкай школы адкрылі для сябе немала цікавых фактаў пра звычайны снег.

 У перыяд падрыхтоўкі і правядзення выбараў Прэзідэнта Рэспублікі Беларусь у бібліятэцы быў аформлены стол даведак “Насустрач выбарам”. Тут была прадстаўлена інфармацыя пра кандыдатаў у Прэзідэнты і іх праграмы. Акрамя публікацый у перыядычным друку на стале даведак знаходзілася літаратура па гэтай тэме “Избирательный кодекс”, “Выборы в Беларуси: коротко о главном”, “Выборы: будущему избирателю”. Стол даведак стаў для наведвальнікаў бібліятэкі месцам разважанняў і выбару будучыні для краіны.

У дзень выбараў Прэзідэнта Рэспублікі Беларусь, 26 студзеня, у Чарневіцкім доме культуры прайшоў канцэрт “Песні маёй старонкі”. Самадзейныя артысты не толькі дэманстравалі свае таленты, але і стваралі сапраўдную атмасферу свята! Музычныя кампазіцыі пра Радзіму, мір і любоў да роднай зямлі, якія гучалі са сцэны, ядналі гледачоў, стваралі пачуццё адзінства і датычнасці да такой важнай падзеі для ўсіх беларусаў! Бібліятэкар удзельнічала ў канцэрце ў якасці вядучага.