26 снежня мінулага года ў Беларусі стартавала рэспубліканская дабрачынная акцыя “Ад усё душы”. 

У рамках акцыі ў Шунеўскай сельскай бібліятэцы напярэдадні Новага года адкрылася творчая выстава “Дыхание зимы”. Вольга Шаўчонак, загадчык аддзялення забеспячэння дзённага знаходжання для грамадзян пажылога ўзросту ТЦСАН, прэзентавала работы наведвальнікаў аддзялення. Работы створаны ў рознай тэхніцы, але аб'яднаныя адной тэматыкай – зімовыя святы. Прыгожыя маляванкі, цёплыя вязаныя рэчы, самаробныя ёлачныя ўпрыгожванні, вязаныя і папяровыя цацкі – усё гэта зроблена з вялікай любоўю і стараннем. Чытачы бібліятэкі на працягу амаль трох тыдняў захапляліся майстэрствам  умельцаў.

17 студзеня наведвальнікі аддзялення забеспячэння дзённага знаходжання для грамадзян пажылога ўзросту ТЦСА зноў завіталі ў бібліятэку, ужо са святочнай праграмай. Вакальная група “ДушаГрэйка”, Браніслаў Грамакоўскі і Тадэвуш Бельскі на чале з Вольгай Шаўчонак падарылі гледачам шмат пазітыўных імгненняў. Канцэртная праграма, прысвечаная навагоднім святам, захапіла прысутных задорам, бадзёрасцю і яскравым выкананнем песень.

Гледачам, нарадзіўшымся ў Год Змяі і зімовым імяніннікам, былі падораны цудоўныя сувеніры. А астатнім госці бібліятэкі ўручылі буклеты і візітоўкі аддзялення дзённага знаходжання ТЦСАН. Бо натхніўшыся творчай дзейнасцю наведвальнікаў, у гледачоў з'явілася жаданне стаць членамі гэтага таленавітага калектыву.

Старэйшына вёскі Шунеўцы Леаніла Сабыніч ад імя ўсіх прысутных падзякавала артыстам за створаны добры настрой! 

Вельмі прыемна, што Шунеўская сельская бібліятэка з'яўляецца цэнтрам культурнага жыцця вёскі, месцам новых знаёмстваў і адкрыццяў! 

21.01.2025 г.                       Заг. бібліятэкі І. Ф. Нікіфаровіч