Цёплымі і па сямейнаму ўтульнымі былі вясковыя пасядзелкі “Мы за чаем посидим, о том о сём поговорим…” у  вёсцы Кульгаі Ломашаўскага сельсавета.

Невялікая вёсачка, размешчная ў далечыні ад буйных дарог, дае прытулак пятнаццаці пастаянна пражываючым жыхарам. А ўвесну яна ажывае больш – прыязжаюць дачнікі. Увесь цёплы перыяд года гараджане сумленна працуюць на сваіх падворках, любуюцца мясцовымі краявідамі ды яднаюцца з матухнай прыродай. А калі надыходзіць позняя восень і гаспадарка спарадкавана, збіраюцца разам у адной хаце, як здаўна было заведзена. Дзеляцца ўраджайнымі поспехамі,  гутараць аб бягучых справах і планах на будучыню, культурна адпачываюць ля самавара.

Так адбылося і сёлета. Ды была і нагода – да іх завіталі прадстаўнікі мясцовай улады і сельгаспрадпрыемства "Ломашы-Агра". 

Спачатку бібліятэкар Ломашаўскай сельскай бібліятэкі Спасібёнак М.В. расказала прысутным гісторыю Кульгаёў. А потым пачалася размова аб вяскоўцах. Адны з іх усё жыццё былі пастаяннымі  жыхарамі, шчырымі працаўнікамі на роднай зямлі – Гаўрыльчык Лілія Іванаўны, ветфельчар гаспадаркі, Марозава Людміла Уладзіміраўна, бібліятэкар Кульгаянскай бібліятэкі. 

Вярнуліся на радзіму на сталае жыццё Багдановіч Іван Васільевіч з жонкай Нінай Аляксандраўнай, Гаўрыльчык Мікалай Дзьмітрыевіч, Скрабатун Вячаслаў Сцяпанавіч.

Другой малой радзімай стала вёска Кульгаі для сям’і Маісеенкаў - Уладзіміра Пятровіча і Кацярыны Адамаўны. Пасля Чарнобыльскай трагедыі ў 1986 годзе ім прыйшлося пакінуць родную вёску ў Хойніцкім раёне і шукаць новае месца жыхарства.

Узгадалі тых, хто прыязджае на летні час у родныя бацькоўскія сядзібы – Васілевіч В.М., Юрлова В.М., Чыжэўскі А.Ф., Русінская В.Я., Ледаховіч А,С., Урбан Л.С. Яфрэменка І.М., Каўтункова В.М., Гаўрыльчык П.Ф., Свірко В.Ф., Лінкевіч Н.П., Пілепёнак В.Ф., Скрабатун В.Ф. Мірончыка В.А. З іх прыездам ажывае вёска ў летні перыд.

Старшыня Ломашаўскага сельсавета Цярэшка В.Ф. і старшыня прафсаюзнай арганізацыі гаспадаркі “Ломашы-Агра” Спасібёнак Н.М. выказалі добрыя словы павагі і ўдзячнасці прысутным за іх добрасумленную працу і адданасць роднай вёсцы.  

Атрымалі падарункі і памятныя сувеніры ад гасцей  Багдановіч Іван Васільевіч і Ніна Аляксандраўна, Ганебная Валанціна Пятроўна, Гаўрыльчык Лілія Іванаўна, Гаўрыльчык Мікалай Дзмітрыевіч, Майсеенка Уладзімір Пятровіч і Кацярына Адамаўна, Марозава Людміла Уладзіміраўна, Мількевіч Валерый Венідзіктавіч, Піліпёнак Вольга Фёдараўна, Скрабатун Валянціна Францаўна, Скрабатун Вячаслаў Сцяпанавіч, Страхоўская Валянціна Пятроўна, Шыпіла Іосіф Станіслававіч, Яфрэменка Ірына Мікалаеўна.

Гасцям было прыемна пачуць словы ўдзячнасці ад прысутных на вечарыне. Шчыра дзякавала арганізатарам Валянціна Пятроўна Ганебная, якая была ўраджана сямейнай атмасферай, сяброўствам і дабрынёй, што панавалі на бяседе, увагай да кожнага, нават не мясцовага жыхара.   

На працягу мерапрыемства ішла шчырая, добрая гаворка аб мінулым і сучасным жыцці вёскі, аб лёсах жыхроў, аб набалелым і актуальным, аб поспехах і здзяйсненнях, марах і планах на будучыню, аб жыцці як яно ёсць на самой справе. Гучалі песні, маналогі, гумарэскі. Самі спявалі, узгадвалі смешныя гісторыі і здарэнні з жыцця... 

Мерапрыемствы такога характару ствараюць вяскоўцам добры настрой і ўпэўненасць у будучыні, паказваюць клопат з боку дзяржавы і давер мясцовай ўладзе.

Спасібёнак М.В., бібліятэкар Ломашаўскай сельскай бібліятэкі