Надыйшоў да канца май, які ў Бабічоўскай сельскай бібліятэцы-клубе быў насычаным і цікавым.  Бібліятэкар Вайткевіч Наталля Мікалаеўна  імкнулася да таго, каб грамадскае жыцце краіны знайшло адлюстраванне ў дзейнасці бібліятэкі.

На тэматычнай паліцы  да Дня Дзяржаўнага герба і сцяга Рэспублікі Беларусь “Символы моей страны” былі прадстаўлены кнігі і інфармацыйныя матэрыялы пра стварэнне беларускага герба і сцяга. 

Маляўнічыя альбомы і перыёдыку, якія раскрываюць значэнне сімволікі ў гісторыі нашай краіны,  бібліятэкар прапаноўвала вяскоўцам, якіх абслугоўвала  кнігай на працоўных месцах. 

Да Дня Перамогі і 80-годдзя вызвалення Беларусі ў бібліятэцы дзейнічае выстава літаратуры "Старонкі мужнасці і славы". На паліцах змешчаны кнігі аб пачатку і ходзе вайны, слаўнай Перамозе савецкага народа ў бязлітаснай барацьбе з фашызмам. Побач з дакументальнай, мемуарнай і даведачнай літаратурай знаходзяцца і мастацкія творы ваеннай тэматыкі як для дарослых, так і для дзяцей.

Як ніколі сталі актуальнымі творы Васіля  Быкава, якія раскрываюць і патрыятызм савецкага народа, і пакутлівыя моманты жыцця чалавека на вайне. Кнігі аўтара знайшлі сваё месца на паліцы “Праўда жыцця Васіля Быкава”. Празаік лічыў, што праўдзіва расказаць пра вайну можна толькі рэальна паказаўшы яе трагічныя падзеі.

У рамках раённай дабрачыннай бібліятэчнай акцыі “Помним! Чтим! Оберегаем!” па навядзенню парадка ля помнікаў землякам, загінуўшым у час Вялкай Айчыннай вайны, бібліятэкар добраўпарадкавала тэрыторыю каля помніка ў в. Бабічы, пафарбавала агароджу, абнавіла прозвішчы землякоў. А ўжо на 9 мая разам з юнымі сябрамі бібліятэкі, вучнямі Мярэцкаўскай школы, ушанавалі памяць аб 64-х загінуўшых земляках.  

У Дзень сям’і Наталля Мікалаеўна  запрасіла ў бібліятэку матуль і бабуль з дзеткамі.  Для іх яна правяла агляд кніжнай выставы “Чытаю я, чытае ўся мая сям’я”, кнігі з якой знайшлі сваіх чытачоў у апошні час. А гутарка аб сям’і, сямейным выхаванні, далучэнню дзетак да кнігі і чытання ўжо адбылася на свежым паветры, у цяністай альтанцы за кубкам гарабаты і з алоўкамі.