Сакавік у вёсцы пачаўся з вясенніх святкаванняў. Супрацоўнікі Гатаўшчынскай бібліятэкі-клуба сумесна з адміністрацыяй ААТ “Сельцы” арганізавалі віншавальную акцыю “Весенняя капель” (да дня 8 Сакавіка) на жывёлагадоўчых комплексах Забор’е, Гатаўшчына і Восава. Сустрэча прайшла ў цёплай, добразычлівай атмасферы. У адрас працаўнікоў ферм гучалі цёплыя словы віншавання са святам, а ўдзельнікі мастацкай самадзейнасці дарылі ім свае задушэўныя песні і добры вясновы настрой.

Святочная праграма “Для вас, любимые, поем мы песни” сабрала гледачаў рознага ўзросту ў глядзельнай зале культустановы. У зале быў сапраўдны аншлаг. Прыехалі самадзейныя артысты з Чарневіцкага дома культуры і стварылі сапраўдную святочную атмасферу. Гучалі цудоўныя песні, прыгожыя вершы, былі падрыхтаваныя сцэнкі. Шмат цёплых і добрых слоў прагучала ў адрас мам, бабуль, усіх жанчын. Віншаванні дарылі не толькі ўдзельнікі мастацкай самадзейнасці, але і дзеці сваім матулям і бабулям.

 На гульнявую праграму “Мы масленку гуляем – вясну чакаем!”, прысвечаную старажытнаславянскаму святу, якое сімвалізуе провады зімы і радасную сустрэчу вясны, сабраліся жанчыны-вяскоўцы. Пра гісторыю, традыцыі і сэнс свята Масленіца, пра тое, што хто на Масленіцу сумуе, таму ў годзе не шанцуе вялі размову вядучыя. Не абыйшлося без гульняў, конкурсаў і традыцыйных масленічных бліноў з рознымі начынкамі. Усе з задавальненнем пілі гарбату з пышнымі блінамі, а потым дзяліліся рэцэптамі іх прыгатавання. Мерапрыемства прайшло весела і з задорам.

Супрацоўнікі бібліятэкі-клуба падчас вясенніх канікулаў разам з дзецьмі адправіліся ў падарожжа ў краіну бяспекі “Безопасная весна”. Прайшліся па пяці станцыях, дзе пазнаёміліся з правіламі паводзін, калі яны адны дома, правіламі пажарнай бяспекі і карыстання электрапрыборамі. Пагаварылі аб мерах бяспекі і ахове жыцця дзяцей на дарозе, вуліцы, паблізу вадаёмаў. Для лепшага засваення матэрыялу былі прадэманстраваны пазнавальныя відэаролікі “Адзін дома”, “Правілы пажарнай бяспекі”, “ПДР для дзяцей”.

 На наступны дзень сустрэліся з дзецьмі ў творчай майстэрні “Пазычу колеры ў вясёлкі” і прапанавалі ім ператварыцца ў мастакоў і стварыць свае вясновыя карціны. Да конкурсу малюнкаў дзеці паставіліся творча, намалявалі яркія і маляўнічыя работы, адбіўшы свой вясновы настрой, спрабуючы праз малюнак выказаць усе свае эмоцыі, сваё бачанне навакольнага свету, і ў той жа час, спазнаць радасць творчасці.

Цікава і запамянальна прайшла гадзіна вясёлых забаў “Весеннее настроение”. Дзеці паўдзельнічалі ў віктарыне на лепшага знаўцу казак, прынялі ўдзел у гульнях, конкурсах і танцах. За актыўнасць, за добры настрой, за ўсмешкі атрымалі салодкія пачастункі.

 З мэтай перарэгістрацыі чытачоў, абменам літаратуры культработнікі наведалі аддаленыя вёскі і правялі з насельніцтвам дабрачынную акцыю “Старшее поколение выбирает общение”.

Загадчык Гатаўшчынскай бібліятэкі-клуба Грыдзюшка З.І.