Мацюкоўскя сельская бібліятэка – адзіная ўстанова на вёсцы, куды штодзень прыходзяць вяскоўцы рознага ўзросту.  Біблятэка для іх выконвае ролю і чытальні, і гульнятэкі, і клуба сяброўскіх сустрэч. А гаспадыня бібліятэкі Наталля Міхайлаўна Хрол -- рада кожнаму наведвальніку і рыхтуе для іх цікавыя мерапрыемствы.

Паэтычная гадзіна “Жанчыны светлае аблічча” аб’яднала і ўзвышанае і зямное. Аповяд пра цікавыя лёсы вядомых беларусак, чытанне вершаў, прысвечаных прыгожай палавіне чалавецтва, добрыя словы працавітым вясковым  жанчынкам паступова перайшлі ў гутарку аб лёсе жанчыны мінулага і сённяшняга часу. Даўнішнія сяброўкі бібліятэкі  Піліпёнак Алена Пятроўна, Баркоўская Наталля Віктараўна, Нікандрава Святлана Мікалаеўна, Піліпёнак Валянціна Іванаўна ўзгадвалі свае і юнацкія гады, і замужжа, і сённяшнія жыццёвыя  пуцявіны. 

Наталля Міхайлаўна зрабіла агляд кніг , у якіх жанчыны пражываюць свае лёсы і заўсёды са складаных сітуацый выходзяць пераможцамі!

У пагожы веснавы дзянёк, у час школьных канікул, завіталі  вучні пачатковых класаў Каця Барткоўская, Ваня Зубрэвіч, Варвара Саковіч, Рома Мірож на бібліятэчную акцыю  “Читающие дети умнее всех на свете!” Бібліятэкар пазнаёміла іх з новымі кнігамі, правяла літаратурную віктарыну і прапанавала стварыць ілюстрацыі да найбольш цікавай, з прачытаных імі, кнігі. Маляванне для іх адзін з цікавых момантаў, бо дае прастор таленту мастака :-))))

Адбылася ў бібліятэцы цеплая сустрэча з дзяўчатамі Вікай Юковіч і Крысцінай Бузо, якія ўжо пайшлі ў самастойнае жыццё, але, пры магчымасці, наведваюць бібліятэку. З радасцю і гумарам узгадалі шчаслівыя вясёлыя часы, калі яны наведвалі ўтульную, маляўнічую бібліятэку і гасцінную Наталлю Міхайлаўну.

Сучасныя ўмовы, калі старэе і змяньшаецца насельніцтва вёскі, патрабуюць ад сельскіх бібліятэкараў больш індывідуальныя формы работы, калі бібліятэкар акрамая знаўцы літаратуры, павінен быць граматным  выхавацелем, далікатным псіхолагам, чулым слухачом...