2 лістапада Глубоцкую дзіцячую бібліятэку наведалі першакласнікі дзіцячага лагера Глыбоцкай гімназіі. Для іх было праведзена мерапрыемства – Марскі круіз “Ад Букварыі да Чыталіі”.

Дзеці падарожнічалі па цудоўнай кніжнай краіне: “наведалі” Казачны востраў, Паэтычны заліў, мора Прыгод, паўвостраў Загадкавы. На кожным прыпынку падарожжа першакласснікаў чакалі цікавыя гульні, віктарыны, конкурсы на тэму любімых літаратурных герояў.

Дзеці паглядзелі ўрыўкі з любімых мультфільмаў, паспявалі з героямі кніг , патанцавалі на вясёлых фізкультмінутках.

Мерапрыемства падрыхтавала і правяла бібліятэкар Глыбоцкай дзіцячай бібліятэкі Трапук М. Г.