Яблык – румяны,
Чысты, крамяны;
У расе купаўся,
Сонцам выціраўся.

21 кастрычніка ў свеце адзначаецца вельмі незвычайнае свята - Дзень яблыкаў. Гэтае вясёлае свята прысвечана яблыкам і ўсяму, што з імі звязана. Сябры Падсвільскай дзіцячай бібліятэкі з вялікім задавальненнем прынялі ўдзел у пазнавальна-гульнявой гадзіне “Эх, яблычка!”, сімвалам якой і стаў яблык.

У пачатку мерапрыемства бібліятэкар расказала пра гісторыю свята і як яго адзначаюць у розных краінах света. Бібліятэкар пазнаёміла школьнікаў з выставай "Яблочные чтения", дзе прадстаўлены выданні, у якіх гаворка ідзе пра яблыкі - казачныя і даведачныя.

Парады доктара Нехварэйкіна пра карысць яблыкаў агучвалі самі дзеці. Яны чыталі "яблычныя" вершы, гулялі ў гульні: "Чапля", "Мастакі", "Паспрабуй адкусі", "Пацэль ў яблычак", адказвалі на пытанні віктарыны, вадзілі карагод. 

Дзень, прысвечаны яблыку прайшоў у Падсвільскай дзіцячай бібліятэцы вельмі весела і цікава. Дзеці атрымалі цудоўныя ўражанні і разуменне таго, што многія рэчы прыносяць не толькі карысць, але і задавальненне! 

Каляга А.І., бібліятэкар Падсвільскай дзіцячай бібліятэкі.