З мая адзначаецца Міжнародны дзень Сонца. Гэтай падзеі ў Глыбоцкай дзіцячай бібліятэцы была прысвечана выстава-гульня “Солнце светит – вот и радость”.

На выставе ў раздзеле “Звезда по имени Солнце”  прадстаўлены  энцыклапедыі, якія змяшчаюць цікавыя звесткі пра Сонца і ролю яго ў жыцці нашай планеты Зямля і ўсяго жывога. Вось некаторыя з іх.Вядома,што Сонца - зорка сярэдніх памераў. Аднак нават у ёй магло б змясціцца 1 300 000 такіх планет, як зямля.Цяперашні ўзрост Сонца складае 4,6 мільярда гадоў, і яно будзе існаваць яшчэ 5 мільярдаў гадоў.У 35% людзей разглядванне сонца выклікае жаданне чхнуць...

Адна з  паліц выставы  прадстаўляе  мастацкія  творы, у якіх героі альбо змест звязаны з тэматыкай сонца.

Для вучняў малодшых класаў  падрыхтавана гульня "Сонечныя загадкі", а  чытачам сярэдняга  і старэйшага школьнага ўзросту прапанавана гульня  “Знайдзі адказ на пытанне”.Дзеці выбіраюць пытанне з канверта, а потым шукаюць адказ на яго, які знаходзіцца   на праменьчыку сонца.

                                 Бібліятэкар Трапук М.Г.