Напрыканцы студзеня Глыбоцкая дзіцячая бібліятэка запрасіла ўдзельнікаў дзіцячага  клуба “Кнігавічок” на пазнавальны калейдаскоп “Вас ждут приключения на острове Чтения”.

У пачатку мерапрыемства вучні з цікавасцю пазнаёміліся з тэматычнымі выставамі, якія дзейнічаюць у гэты час у бібліятэцы. Жадаючыя мелі магчымасць узяць неабходныя кнігі. Далейшая праца працягвалася ў актавай зале. Бадзёры гімн, прысвечаны бібліятэцы, узняў настрой удзельнікам. “Кнігавічкі” змагаліся з пытаннямі літаратурнай віктарыны, адгадвалі загадкі, вызначалі творы па ўрыўках.

Музычны перапынак дазволіў паспяваць пад караоке і аднавіў сілы.

Далей усе з задавальненнем і жартамі складалі ў гульнявой форме свой агульны твор, у выніку чаго зразумелі, як цяжка сапраўднаму аўтару даецца яго праца.

Кніжная выстава дала магчымасць пазнаёміцца з цікавымі навінкамі як мастацкай, так і пазнавальнай літаратуры. 

Бібліятэкар: Атвалка С.А.