28 красавіка ўдзельнікаў дзіцячага пазнавальнага клуба “Кнігавічок”  у Глыбоцкую дзіцячую бібліятэку заклікаў літаратурны калейдаскоп “Весёлые истории услышать не хотите ли?”  Напачатку сустрэчы серыя з вядомага дзіцячага кіначасопісу “Ералаш” забяспечыла “кнігавічкам” вясёлы настрой.

         На гэты раз вучні атрымалі заданне – падрыхтаваць цікавае выступленне на тэму “Самы смешны і незабыўны выпадак з майго жыцця”. З задавальненнем дзеці распавядалі свае незвычайныя гісторыі. Група вучняў падрыхтавала сцэнку “Першае красавіка”. А адзін з удзельнікаў клуба , па традыцыі, выканаў бадзёры музычны нумар на фартэпіяна.

Цікавымі для прысутных былі таксама бліц-турнір “Да” і “Нет”, пытанні-загадкі, смеха-віктарына “Красавіцкі падвох”, вясёлыя вершы. Фізкульт-хвілінка ўзбадзёрыла і надала новых сіл.

Выстава дзіцячай літаратуры і перыёдыкі “Академия весёлых книг” пазнаёміла дзяцей  з лепшымі творамі дзіцячай літаратуры. Жадаючыя мелі магчымасць узяць кнігі любімых аўтараў.

Увогуле, сустрэча атрымалася насычанай, узняла настрой і абудзіла цікавасць да знаёмства з новымі творамі і літаратурнымі героямі.

                                                       Бібліятэкар Атвалка С.А.