На Стары Новы год у Шунеўскую бібліятэку завіталі калядоўшчыкі. Такім цікавым чынам работнікаў бібліятэкі вырашылі павіншаваць чытачы. А бібліятэкары ў сваю чаргу запрасілі гасцей на «Чайную церемонию».

         За сталом вялі цікавую бяседу і дэгуставалі 7 сартоў гарбаты. Да спадобы прыйшлася і рамонкавая, травяная, каркадэ з журавінамі, гарбата з лімонам і інш. Прысутныя з відэароліка vnclip.net/video/77iRblQa5C4/галилео-мифы-о-чае.html даведаліся як заварваюць гарбату розныя народы. Адкрылі для сябе, што гарбату аказваецца можна заварваць на малаку, з соллю, з бараннім тлушчам. З дыялога “Самавара” і “Чайнічка” даведаліся, калі з’явіўся самавар, якіх відаў і памераў ён можа быць. Паглядзеўшы прэзентацыю www.youtube.com/watch?v=bgpqqz1pnXo  карцін вядомых мастакоў, на якіх прысутнічае самавар, згадзіліся, што яго папулярнасць была вельмі вялікай.

З задавальненнем прымалі ўдзел у гульнях, дзяліліся сваімі рэцэптамі травяных напояў, слухалі і спявалі песні пра чай. Дапаўненнем стала прэзентацыя кнігі «Родники здоровья в чашке»,   у якой  можна даведацца , як расце чай, як даўно людзі п’юць яго, як правільна гатаваць гэты цудоўны напой, што такое чайны грыб і інш.

Напрыканцы сустрэчы бібліятэкары падарылі кожнаму госцю зроблены з паперы  заварачны чайнік з сюрпрызам – рэцэптам прыгатавання травяной гарбаты.

19.01.2021 г.                              заг. бібліятэкі   І. Нікіфаровіч