#Шуневцы_Шунеўцы

Напрыканцы студзеня ў Шунеўскай бібліятэцы было шматлюдна. Першы раз у новым годзе збіраліся на пасяджэнні клубы “Нашчадкі” і “Жураўлік”.

         Удзельнікі клуба “Нашчадкі” былі запрошаны на інтэлектуальны марафон “Край мой – кропля  Беларусі” . Ён праходзіў у форме падарожжа па трох прыпынках: Беларусь, Глыбокае, Шуняўцы. Спачатку дзівіліся на Беларусь з вышыні птушынага палёту з дапамогай відэападарожжа, затым пазнаёміліся з цікавымі адметнасцямі нашай краіны.  

На прыпынку “Глыбокае” пазнаёміліся з  легендай  пра назву горада,   паглядзелі тэлепраект “Маршрут построен. Глубокое”.

“Перамясціўшыся” ў Шуняўцы з дапамогай прэзентацыі “Алфавіт малой радзімы”, успаміналі,якія  адметнасці ёсць у  вёсцы на тую або іншую літару. Адбылося знаёмства з  паліцай-дасье “Глыбоцкі раён – гісторыя і сучаснаць”, прысвечанай 80-годдзю раёна,  на якой былі прадстаўлены  кнігі пра Глыбоччыну і матэрыялы пра малую радзіму, сабраныя бібліятэкарамі.

На кожным прыпынку каманда дзяўчынак  і каманда хлопчыкаў  прымалі ўдзел у віктарынах. У агульным заліку інтэлектуальнага марафона перамагла каманда хлопцаў.

Пасяджэнне клуба  “Жураўлікі”, нягледзячы на адсутнасць снега за вокнамі, прысвячалася снегу і яго якасцям. У канцы студзеня адзначаецца Сусветны дзень снегу, таму і выбрана такая тэма для юных сяброў прыроды.  Мудрая Лісічка з “Пазнавальнага відэа для дзяцей” расказала пра ўтварэнне сняжынак, ад якіх умоў надвор’я залежаць віды сняжынак. Дзеці даведаліся пра карысць і шкоду снегу, успомнілі зімовыя віды спорту. Затым у госці завітала спадарыня Завіруха і  запрасіла паўдзельнічаць у розных гульнях. Дзеці рабілі вясёлую размінку, збіралі “сняжкі”, не давалі зваліцца “сняжынцы” без дапамогі рук, удзельнічалі ў музычнай гульні. Напрыканцы мерапрыемства паглядзелі мультфільм пра зіму, пазнаёміліся з  казкамі і вершамі  пра зіму . На развітанне Завіруха загадала дзецям загадкі.

     04.02.2020г.  

         заг. бібліятэкі І.Ф. Нікіфаровіч