У першы дзень зімы ў Падсвільскай дзіцячай бібліятэцы  адбылося цікавае мерапрыемства - восеньскае асарці “Прощай, осень! Здравствуй, зима!”.  Вядучая, бібліятэкар Марцынкевіч Вікторыя , разам з сваімі памочнікамі Лізай Харэвіч, Міланай Юковіч, Камілай Толкач  і Машай Хадасевіч  прачыталі  вершы пра восень, расказалі пра  яе прыгажосць і прыкметы, пра дары, якія дорыць усім гэтая цудоўная  пара года.

   Прыйшлі у госці і Восень са сваімі месяцамі Іх  ролі выканалі  Віалетта Каляга, Раман Рагіла, Ягор Рэдзько і Вадзім Бельскі. Дапамагалі ім Міра  і Раман Азаронкі, Аня Гулідава,Бекарэвіч Гена.  

Затым удзельнікі мерапрыемства падзяліліся на дзве каманды. Дзяўчынкі былі “Грыбочкамі”, а хлопчыкі – “Хмаркамі”. Конкурсаў было шмат: трэба было з частак  сабраць карцінку з восеньскім пейзажам, адгадаць загадкі, для мадэлі Восені стварыць прыгожае убранне і інш.  Не абышлося без бліц-турніра і гульняў.

А якая  ж восень без каравая? Паліна Дыро разам  са сваёй сястрой Златай, самай маленькай удзельніцай мерапрыемства, Ілья Казлоўскі і Папкоў Паша вынеслі каравай і прачыталі вершы пра хлеб. А напрыканцы мерапрыемства дзяцей чакалі прысмакі.

      У файе бібліятэкі дзейнічалі  выставы малюнкаў і дароў восені .