І хоць Міжнародны дзень роднай мовы ўжо прайшоў, чытачам Падсвільскай дзіцячай бібліятэкі гэта не перашкодзіла праверыць сваё веданне  мовы сваёй радзімы.

Работнікі Падсвільскай дзіцячай бібліятэкі з гэтай нагоды аформілі выставу -заклік "Чытаем па-беларуску" і правялі для дзяцей фальклорнае падарожжа "Беларускі скарб: прыказкі, прымаўкі, загадкі". У ходзе мерапрыемства дзеці падарожнічалі па станцыях "Прыказкі і прымаўкі", "Загадкі", "Прыкметы", "Казкі".

На кожным прыпынку іх чакалі розныя заданні. Трэба было адрозніць прымаўку ад прыказкі, адгадаць загадкі, назваць якія ведаюць прыкметы. За кожны правільны адказ дзеці адтрымлівалі жэтон.

У канцы мерапрыемства былі падведзены вынікі і пераможцам стала Яна Апанасевіч, вучаніца 3 класа.

У якасці "прэзентаў" бібліятэкар падарыла вучню рукавічкі з надпісам "Мова родная - усеабдымная. Калі ласка, размаўляй са мной па-беларуску!"

27 лютага 2018 г.

Загадчык Падсвільскай дзіцячай бібліятэкі Каляга А.І.