Напярэдадні Дня бібліятэк Беларусі супрацоўнікі  Шунеўскай бібліятэкі запрасілі першакласнікаў на экскурсію. Загадчыца бібліятэкі  Ірына Нікіфаровіч расказала  пра структуру бібліятэкі, больш падрабязна пазнаёміла з кніжкамі-малышкамі, кніжкамі з малюнкамі з “дзіцячага кутка“, дзе  знаходзіцца літаратура для дзяцей малодшага школьнага ўзросту.   Вельмі спадабалася першакласнікам у чытальнай зале. Яны з вялікай цікавасцю разглядвалі кніжкі пра звяроў і птушак, дыназаўраў і марскіх жывёл. Хлопчыкі зацікавіліся кніжкамі пра тэхніку, а дзяўчынкам было цікава пагартаць энцыклапедыю для дзяўчынак.

       Часопісы “Непоседа”, “Вясёлка”, “Весёлый зоопарк” і “Детская газета” таксама сталі для іх цікавым адкрыццём.

        У канцы сустрэчы бібліятэкар павіншавала іх з пачаткам школьнага жыцця, нагадала  як   правільна адносіцца да кнігі  і падарыла ўсім закладкі на памяць.

       Сюрпрызы да Дня бібліятэк былі падрыхтаваны не толькі для юных чытачоў, але і дарослых. Кожнаму наведвальніку прапаноўвалася адгадаць загадку і  за правільны адказ атрымаць закладку з цікавым выказваннем пра кнігу. Можна было даведацца і пра свой “рэцэпт шчасця”. Для гэтага бібліятэкары падрыхтавалі  своеасаблівую кнігу “Справочник оптимиста” з цытатамі вядомых людзей пра аптымістычныя адносіны да жыцця. Загадаўшы старонку ад 5 да 52 можна было прачытаць свой “рэцэпт шчасця”.

        Мы ўдзячны нашым чытачам за шчырыя словы пажаданняў, якія яны зычылі нам з нагоды свята. Спадзяёмся, што яны і надалей будуць нашымі добрымі сябрамі і актыўнымі наведвальнікамі.

    17 верасня  2019 г.                Заг. бібліятэкі І.Ф. Нікіфаровіч