7 чэрвеня Дзеркаўшчынская сельская бібліятэка  да Сусветнага дня аховы навакольнага асяроддзя правяла эка-гадзіну “Ступеньки в мир природы”. На мерапрыемства запрасілі дзяцей, якія наведваюць летні лагер у мясцовай школе. Наведвальнікам паведалі наколькі  гэта важная дата ў экалагічным календары. Расказалі пра багаты і разнастайны свет раслін і жывёл у нашай краіне,як трэба паводзіць сябе, адпачываючы на прыродзе. Зачытваліся вершы на тэму прыроды і аховы навакольнага асяроддзя.

Каб гадзіна прайшла не толькі цікава і пазнавальна,  але і весела,  дзецям прапанавалі гульні і загадкі. Завяршылася мерапрыемства невялікім аглядам кніжнай выставы “Природа – наше богатство“. Прысутныя з цікавасцю разглядалі прапанаваныя ім кнігі з серыі “Белорусская детская энциклопедия”, “Зямля мая”, “Маленький профессор” , “Рассказы Деда Природоведа”, “Скарбы Радзімы” і інш.