30 студзеня у Шунеўскай бібліятэцы адбылося пасяджэнне экалагічнага клуба для малодшых школьнікаў “Жураўлік”, на якім вялася размова пра зімуючых птушак.

Спачатку дзеці пазнавалі птушку па малюнку з дапамогай прэзентацыі, затым адгадвалі іх па голасе. Бібліятэкар расказала дзецям, як правільна карміць птушак зімой, чым любяць харчавацца тыя ці іншыя птушкі, які корм можа быць небяспечным для іх.

Шмат цікавых звестак пра зімуючых птушак дзеці даведаліся з энцыклапедыі “Птушкі Беларусі”.

Дзеці ахвотна адказвалі на пытанні і дзяліліся сваімі назіраннямі за пярнатымі сябрамі. Не абышлі увагай і прыкметы надвор’я, звязаныя з паводзінамі птушак.

Гульні “Зімуючыя-пералётныя” і “Складзі назву птушкі” дапамаглі яшчэ больш замацаваць веды, атрыманыя на экаўроку.

Завяршылася мерапрыемства праглядам прэзентацыі “Кармушкі для птушак”. На ёй былі прадстаўлены розныя віды кармушак, якія можна лёгка зрабіць з падручных матэрыялаў.

Дзецям спадабаліся вырабы з пластыкавай тары, з картонных каробак, з палачак для марожанага, з кубкаў для гарбаты, з бляшанак з пад напіткаў і інш.

31.01.2025г.                                              І. Нікіфаровіч