Экалагічная гадзіна “Чарнобыль - наша памяць і смутак”
Экалагічная гадзіна “Чарнобыль - наша памяць і смутак”, прысвечаная Дню памяці загінулых у радыяцыйных аварыях і катастрофах, адбылася ў Падсвільскай гарпасялковай бібліятэцы. Падлеткі прыйшлі ў бібліятэку, каб даведацца пра падзеі тых дзён і ўшанаваць памяць ахвяр радыяцыйных аварый і катастроф.
38 гадоў таму страшнае слова "Чарнобыль" узрушыла ўсю планету. 26 красавіка 1986 года на Чарнобыльскай атамнай
электрастанцыі адбылася найбуйнейшая тэхнагенная катастрофа, якая змяніла звычайнае жыцце людзей, зламала здароўе і забрала жыцці дзясяткаў тысяч беларусаў, рускіх, украінцаў.
электрастанцыі адбылася найбуйнейшая тэхнагенная катастрофа, якая змяніла звычайнае жыцце людзей, зламала здароўе і забрала жыцці дзясяткаў тысяч беларусаў, рускіх, украінцаў. Бібліятэкары паказалі падлеткам хроніку падзей таго дня, распавялі, які разбуральны ўплыў аказаў выбух на чалавецтва і прыроду, і як праходзіла эвакуацыя насельніцтва. Паказалі школьнікам карту радыеактыўнага забруджвання тэрыторыі Беларусі і прылягаючых краін.
Падлеткі пазнаёміліся з выставай “По следам трагедии”, на якой прадстаўлены кнігі і інфармацыйныя матэрыялы аб трагічным дні аварыі, спыненні працы станцыі, подзвігу ліквідатараў. Дакументальныя выданні і мастацкія творы даюць шырокае ўяўленне аб маштабах катастрофы, прычынах яе ўзнікнення, аб экалагічным становішчы, якое склалася на тэрыторыі АЭС у той час і якую ядзерную небяспеку нясе станцыя у сучаснасці і будучыні. Выстава пераканаўча паказвае, да чаго можа прывесці безадказнае абыходжанне з мірным атамам.
Яцкоўская С.П., загадчык Падсвільскай гарпасялковай бібліятэкі
- 178
