15 лістапада ў Глыбоцкую дзіцячую бібліятэку завіталі дзеці са святліцы “Дзеці Марыі” пры парафіі Святой Тройцы горада Глыбокае.У рамках мэтавай экалагічнай праграмы “Через книгу в мир природы” бібліятэкар Трапук М.Г. правяла для іх  экалагічную гадзіну “Дикие и домашние – все такие важные”.

      Дзеці разважалі, чаму і ад каго патрэбна абараняць жывёл, “пагарталі” чорныя старонкі Чырвонай кнігі, паразважалі, якіх жывёл чалавек прыручыў і для чаго.Цікавай і незвычайнай была для вучняў інфармацыя на тэму подзвігу жывёл у гады Вялікай Айчыннай вайны.Асаблівая ўвага была адведзена праблеме аховы жывел, міласэрных адносінаў да іх.

    Таксама наведвальнікі пазнаёміліся з выставай-інфармінай “Традиции живая нить”, на якой прадстаўлены матэрыял пра нематэрыяльныя каштоўнасці Глыбоцкага раёна. Дзеці даведаліся, што ў Глыбоцкім раёне восем нематэрыяльных праяўленняў творчасці чалавека ўнесена ў Дзяржаўны спіс  гісторыка-культурных каштоўнасцяў Рэспублікі Беларусь. Усе прысутныя былі зацікаўлены гісторыяй узнікнення гэтых вырабаў і выкарыстаннем іх у цяперашні час.

І, каб далучыцца да народных традыцый, дзеці з задавальненнем прынялі ўдзел у майстар-класе “Ажурные узоры” па вырабу выцінанак. 

Заг. Глыбоцкай дзіцячай бібліятэкі Андрыеўская Т.І.