Амаль усюды на нашай Зямлі жывуць жывёлы: і ў спякотнай пустыні і ў балотнай тундры, у магутнай тайзе і ў шырокіх стэпах, высока ў гарах і ў глыбінях акіянаў. Жывуць яны і побач з намі ў нашых дамах, кватэрах. У гэты цудоўны і  загадкавы свет хатніх і дзікіх жывёл адправіліся вучні 4”А” класа СШ №2, для якіх у Глыбоцкай дзіцячай бібліятэцы была праведзена экалагічная гадзіна “Дикие и домашние – все такие важные”.

Дзеці разважалі, чаму і ад каго патрэбна абараняць жывёл, “пагарталі” чорныя старонкі Чырвонай кнігі, паразважалі, якіх жывёл чалавек прыручыў і для чаго.

Цікавай і незвычайнай была для вучняў інфармацыя на тэму подзвігу жывёл у гады Вялікай Айчыннай вайны.

Затым дзеці расказалі пра сваіх хатніх жывёл. З малюнкаў і фатаграфій была аформлена галерэя “Фотакотапёс”.

Асаблівая ўвага была адведзена праблеме аховы жывел, міласэрных адносінаў да іх.Дзеці даведаліся, якія дабрачынныя арганізацыі створаны ў нас у Беларусі для аховы і падтрымкі бяздомных жывёл, якія акцыі для гэтага праводзяцца.

Падчас мерапрыемства дзеці паглядзелі розныя  відэа-ролікі з жыцця нашых братоў меншых, паслухалі песні.

Бібліятэкар Трапук М.Г.