Штогод 30 сакавіка ў свеце адзначаецца Дзень абароны Зямлі. Дата гэта з'явілася ў XX стагоддзі-менавіта тады навукоўцы выказалі здагадку, што праз 300-1000 гадоў паўстане пагроза татальнага знішчэння чалавецтва.

Актыўная дзейнасць чалавека прывяла да забруджвання навакольнага асяроддзя. Высечка лясоў, знішчэнне многіх відаў жывёл, рыб і птушак, забруджванне паветра шкоднымі выкідамі вытворчасцяў і аўтамабіляў, а водных рэсурсаў – прамысловымі адходамі і злівамі каналізацыйных сцёкаў – усё гэта забівае нашу планету. Паўсюдная здабыча нафты і карысных выкапняў ператварае зямлю ў бясплодную пустыню. Страшная небяспека глабальнага пацяплення, лясных пажараў, азонавых дзірак... Усіх пагроз не злічыць! Таму  галоўнай мэтай Дня абароны Зямлі  з'яўляецца прыцягненне ўвагі людзей да глабальных экалагічных праблем.

          Менавіта гэтай даце і прысвячалася   гадзіна экалогіі “ Планета в опасности” ў Глыбоцкай дзіцячай бібліятэцы,на якую  былі запрошаны вучні шостага класа СШ№2.Бібліятэкар расказала, якія экалагічныя пагрозы існуюць у наш  час для навакольнага асяроддзя, што ў гэтым амаль заўсёды вінаваты чалавек і яго дзейнасць. І самае галоўнае – што можам зрабіць мы, каб зменшыць пагрозы для экалогіі нашай зямлі.

Таксама дзеці вучыліся змагацца з “монстрам” нашага часу – смеццем, правільна яго сарціраваць для далейшай перапапрацоўкі.Падчас гутаркі  разам з дзецьмі “ перагарнулі” некалькі трагічных старонак Чырвонай кнігі Беларусі, якія расказалі аб знікаючых  жывёлах і раслінах  нашай рэспублікі.

На працягу мерапыемства гучалі гімны экалогіі, песні аб беражлівых адносінах да роднай планеты, дэманстраваліся рэкламныя ролікі, якія вучылі дзяцей наводзіць чысціню на зямлі.

Мерапрыемства праводзілася ў рамках экалагічнай праграмы “Через книгу в мир природы”.