Чарговае пасяджэнне клуба “Жураўлік” у Шунеўскай бібліятэцы прысвячалася кітам. У ходзе мерапрыемства дзеці даведаліся, што кіт – самая буйная жывёла на зямлі, калі дакладней, то менавіта сіні кіт.

Спачатку здабыць звесткі пра кітоў члены клуба паспрабавалі самі з энцыклапедый, якія маюцца ў бібліятэцы. Так яны даведаліся пра вагу кіта, яго рацыён, як кіты дыхаюць і што такое дыхала. Дапаўненнем да знойдзеных звестак стаў навукова-папулярны фільм для дзяцей “Синий кит: самое интересное и познавательное про животных для детей».

Кіраўнік клуба І. Нікіфаровіч падрыхтавала падборку найбольш цікавых і малавядомых звестак пра гэтую цуда-жывёлу. Затым дзеці адказвалі на пытанні, расказвалі, што найбольш ім запомнілася.

 З задавальненнем паглядзелі мультфільм “Внутри кита” і зрабілі правільныя вывады, што прырода і ўвесь яе насяляючы свет патрабуе нашай абароны і беражлівых адносін.

 Закончылася мерапрыемства маляваннем: кожны размаляваў свайго кіта, так як яму хацелася яго бачыць. Атрымаліся вельмі незвычайныя і крэатыўныя малюнкі.

5.12.2019 г.   заг. бібліятэкі    І. Нікіфаровіч