Кніжная выстава да  Года культуры  “Культура. Спадчына. Беларусь.”  дзейнічае ў бібліятэцы аграгарадка Ломашы.

Увазе карыстальнікаў прадстаўлены самыя лепшыя выданні з фонда бібліятэкі, прысвечаныя гісторыі беларускага дойлідства і архітэктуры, выяўленчаму мастацтву, музеям Беларусі,   беларускай літаратуры, фальклору, народнай творчасці.

Выставу ўдала дапаўняе “Галерэя мастацтваў” дзе зараз экспануюцца “Маляванкі” народных майстроў С.А.Скавырка і Г.П.Таляронак Глыбоцкага дома рамёстваў.

 2 красавіка бібліятэкары Ломашаўскай сельскай бібліятэкі ў рамках Года культуры падрыхтавалі і правялі цікавае мерапрыемства, дзе  вучні 7-8 класаў пазнаёміліся з выставамі (“Культура. Спадчына. Беларусь.”, “Маляванкі”) і паўдзельнічалі ў інтэлектуальнай гульні: “Жыву ў Беларусі і тым ганаруся” (па гісторыі, культуры і літаратуры Беларусі). Кожны з удзельнікаў  меў магчымасць выбраць катэгорыю і вартасць (“цяжкасць”) пытання). Гульня атрымалася захапляльнай і пазнавальнай.

Пераможцамі стала каманда ў складзе: Вайцяховіча Данііла, Дзягеля Андрэя, Назімава

Кірыла, Вальмуса Сяргея .