У лістападзе распачылася публікацыя рамана-версіі — «Непераможны злом» Віктара Праўдзіна. Падзеі ў апублікаванай частцы адбываюцца на Віцебшчыне ў 1919 годзе, у час, калі адны ідалы / ідэалы змяняюцца іншымі. Сюжэт сканцэнтраваны на міжасабовых канфлікатах будаўнікоў новага свету, паказаных занятымі ў першую чаргу сабой і ўласным узбагачэннем. Так, старшыня выканкама Мікалай Ляскоўскі хоча быць падобным на Троцкага, стараецца адпавядаць яму нават знешне, таму, не ведаючы навошта, носіць акуляры. 

Паралелі з сучаснасцю аўтар вымалёўвае празрыста: адзін з герояў смела заяўляе другому, «што вайна — некаму вяроўка, а нам — дойная кароўка». Простыя людзі пакутуюць ад перавышэння паўнамоцтваў і з асцярогай ставяцца да светлай будучыні, якую абяцаюць камуністы. Прадстаўнікі новай улады псіхалагічна выразна абмаляваны, усе яны хутчэй адмоўныя. Голас аўтара, у адпаведнасці з класічнай традыцыяй, моцны ў рамане, але пра галоўную ідэю ў «Непераможным зломе» і шляхі яе ўвасаблення лепей гаварыць, прачытаўшы ўвесь твор.  Далей 

• Культура, Літаратура