На абанеменце Глыбоцкай цэнтральнай раённай бібліятэкі ўвазе чытачоў прапануецца новая выстава – "У шэрагу вялікіх імёнаў".

У экспазіцыі сабраны кнігі замежных, рускіх, беларускіх паэтаў і пісьменнікаў – студзеньскіх юбіляраў.

► Ёсць нагода пагартаць і пачытаць (перачытаць) псіхалагічныя творы Мары-Анры Бэйля, больш вядомага нам як Стэндаль. 23 студзеня адзначаецца 240 гадоў з яго нараджэння.

► 22 студзеня 235 гадоў спаўняецца Джорджу Байрану – англійскаму паэту-рамантыку і драматургу. Дарэчы, аматарам беларускага слова прапануем творы Джорджа Байрана «Прароцтва Дантэ» і раман у вершах «Дон Жуан» у перакладзе Уладзіміра Скарынкіна.

► 10 студзеня – 140-гадовы юбілей Аляксея Талстога, аўтара сацыяльна-псіхалагічных, гістарычных і навукова-фантастычных раманаў, аповесцяў і апавяданняў, публіцыстычных твораў.

► 130-гадовы юбілей беларускай паэтэсы Канстанцыі Буйло адзначаецца 14 студзеня.

► 3 і 4 студзеня споўнілася 100 гадоў з дня нараджэння беларускім пісьменнікам – Алесю Шышкову і Мікалаю Ваданосаву.

►25 студзеня 85 гадоў споўнілася б выдатнаму савецкаму акцёру тэатра і кіно, легендзе аўтарскай музыкі Уладзіміру Высоцкаму.

► 14 студзеня адзначыць 75 гадоў з дня нараджэння беларускі журналіст, паэт Навум Гальпяровіч.

Экспазіцыя будзе абнаўляцца штомесяц.

Хайноўская А., бібліятэкар Глыбоцкай ЦРБ