Віншуем з юбілеем Ірыну Жарнасек   

У студзені наша зямлячка, вядомая беларуская пісьменніца Ірына Жарнасек адзначыла  70-годдзе з дня нараджэння. З гэтай нагоды супрацоўнікі Дзеркаўшчынскай бібліятэкі сярод дарослых карыстальнікаў правялі   літаратурную  візітку “Яна піша ад сэрца”.   На пачатку мерапрыемства бібліятэкар  пазнаёміла прысутных з жыццёвым і творчым шляхам юбіляршы. Потым паразмаўлялі пра творы пісьменніцы. Была прадстаўлена кніга “Гульні над студняй” , якая складаецца з трох невялікіх апавяданняў “Гульні над студняй”, “Апошняя дзея” і “Мона Літа”. Падзеі  і героі  гэтых твораў узяты з Глыбоччыны. Бібліятэкар коратка пазнаёміла з іх зместам. Хто з удзельнікаў чытаў кнігі І. Жарнасек,  падзяліліся сваімі пачуццямі і ўражаннямі аб прачытанным.

У Івесьскай, Бортнікаўскай  бібліятэках бібліятэкары  для сваіх  дарослых карыстальнікаў правялі агляды твораў юбіляршы. Літаратурна-юбілейная хвіліна “Ірына Жарнасек. Віншуем!” адбылася ў  Запрудскай, літаратурны партрэт “Яна піша ад сэрца” – Марцэбыліскай  бібліятэцы,  краязнаўчая  гадзіна “Таленавіты чалавек  і сціплая жанчына” -  Азярэцкай бібліятэцы-музеі этнаграфіі.

01.01.23г.    Загадчык аддзела бібліятэчнага маркетынгу Татарчук А.М.