Дню воіна-інтэрнацыяналіста і Дню абаронцаў Айчыны прысвечана выстава “Срочной службы время, быль и небыль…”, якая дзейнічае ў Празароцкай сельскай бібліятэцы. 

На ёй прадстаўлены дзембельскія  альбомі і фотаздымкі з сямейных архіваў землякоў, якія праходзілі службу ў арміі і флоце за  апошнія 70 год.  

Так, найстарэйшы фотаздымак 1954 года сведчыць аб службые ў радах Савецкай Арміі у варце аховы г.Беразнякі Пермскага краю Лавейка Тадэвуша. Судовы механік Сабачэўскі Эдуард аж 4 (!) гады, з 1964 па 1968, адбыў на падводнай лодцы Ціхаакіянскага флоту. 

Лавейка Фелікс, Мячкоўскі Аляксандр і Тумчонак Міхаіл праходзілі службу за межамі Савецкага Саюза, у Чэхаславакіі і Германскай Дэмакратычнай Рэспубліцы.

Для Казіцкага Паўла, Булаха Віктара, Леантовіча Леаніда, Лаірава Юрыя ў канцы 70-х пачатку 80-х гадоў мінулага стагоддзя месцам службы сталі расійскія гарады – Курск, Смаленск, Масква і Падмаскоўе.

А вось Акачонку Паўлу і Каляда Канстанціну (цяпер айцец Канстанціну) пашчасціла выконваць свой воінскі абавязак на тэрыторыі роднай Беларусі.

У сярэдзіне 80-х для Бурэня Анатолія выпрабаваннем стала служба ў паветрана-дэсантных войсках Прыбалтыйскай ваеннай акругі (г.Каунас). У далёкай Грузіі Кміта Пётр быў ваеннаслужачым медыцынскай санітарнай часці.

Свой воінскі абавязак з гонарам выканалі ўжо ў незалежнай Беларусі Рубніковіч Аляксандр, Альшэўскі Канстанцін, Леантовіч Яўгеній і самы юны – Тумчонак Андрэй.

Асаблівай старонкай лёсу Булаха Сяргея стала служба ў радах Савецкай Арміі ў якасці радавого, снайпера абмежаванага канцінгента савецкіх войск у Афганістане. Сяргей Іванавіч з гонарам выканаў свой воінскі абавязак, мае ўзнагароды.

Выстава выклікае цікавасць у наведвальнікаў бібліятэкі. Бо вайсковыя перыяды жыцця землякоў з’ўляюцца ганаровай старонкай летапісу нашай мясцовасці!