17.09.2018

Новы навучальны год пачаўся ў Падсвільскай гарпасялковай  бібліятэцы з краязнаўчай  відэагадзіны “Дзе Свіліца дала імя сваё Падсвіллю”, на якую былі запрошаны вучні старэйшых класаў. Падчас мерапрыемства падлеткі даведаліся, што 

• Першыя жыхары ў нашых краях пасяліліся каля вёскі Свіла-1 ў Свільскім гарадзішчы полацкіх крывічоў. Па размерах яно не ўступала гарадзішчу каля горада Полацка.
• На пачатку XX стагоддзя ў Свіле была свая ўніяцкай царква, якая мела арган. У храме адзін тыдзень маліліся каталікі, другі - праваслаўныя. 
• У 2018 годзе спаўняецца 525 год вёсцы Свіла.
• Упершыню назва пасёлка Падсвілле з'явілася ў 1905 годзе як назва чыгуначнай станцыі.
• У перадваенныя гады аж да 1939 года невялікі паселак Падсвілле меў свае «імянные грошыкі»
• На падсвільскіх могілках пахаваны Міхаіл Фалькоўскі, удзельнік паўстання 1863 года.
• Падсвільская зямля з’яўляецца радзімай Язэпа Драздовіча. Толькі два мастакі, Шагал і Драздовіч, уключаны ў кнігу “100 мастакоў міру”. А нарадзіўся мастак у в.Пунькі, што непадалёк Падсвілля.
• Вядомые людзі краю - гэта нашага багацце, наша гісторыя. У нас свая літаратурная, творчая, медыцынская, спартыўная, настаўніцкая, камп'ютараная галактыка. Усё гэта робіць нашу маленькую радзіму прыгожай, адметнай і багатай.

Прысутным былі прапанаваны відэаролікі пра творчасць мясцовых  літаратараў.