28.09.16

16 верасня бібліятэкары ДУК “Глыбоцкая ЦБС” наведалі Чарневіцкую сельскую бібліятэку, на базе якой прайшоў   тэматычны семінар “Бібліятэка ў сістэме эстэтычнага выхавання дзяцей і моладзі".

У мінулым годзе гэта бібліятэка пераехала ў новы будынак, атрымала сучасную мэблю, камп’ютар.  Удзельнікі семінара па дарозе ў Чарневічы наведалі Гатаўшчынскую і Мнюцкую бібліятэкі, пазнаёміліся з работай кожнай установы.

Бібліятэкар Чарневіцкай бібліятэкі Пратасевіч Ніна Фёдараўна расказала сваім калегам пра сваю работу ў новых умовах,  цікава расказала пра  гісторыю вёскі Чарневічы.

Галоўны бібліятэкар аддзела бібліятэчнага маркетынгу ЦРБ Ізаітка Марына Валянцінаўна падрыхтавала кансультацыю “Роля бібліятэк у эстэтычным выхаванні дзяцей і моладзі” і паказальнае мерапрыемства – кніжны аукцыён “Шэдэўры мастацтва”, падчас якога бібліятэкары праверылі свае веды  ў вобласці мастацтва.

Бібліятэкары Ломашаўскай, Марцыбылінскай, Падсвільскай гарпасялковай бібліятэк   падзяліліся вопытам сваёй работы. У завяршэнні  семінара была праведзена пазнавальна-забаўляльная праграма “Букет жаданняў”, якую прыўрочалі да Дня бібліятэк. Словам і песнямі віншавалі бібліятэкараў Шыман Галіна, Цюкала Анастасія і Арэхава Валянціна, а бібліятэкар цэнтральнай раённай бібліятэкі Нікіфаровіч Ірына падрыхтавала цікавыя конкурсы, гульні.

Бібліятэкарам вельмі спадабалася мерапрыемства і ад усіх наведвальнікаў семінара выказваем вялікую падзяку ўсім супрацоўнікам Чарневіцкага дома культуры начале з дырэктарам Пустыннікавай Раісай Міхайлаўнай. Здароўя і творчых поспехаў вам у жыцці і працы!