5 лістапада ў Глыбоцкай раённай бібліятэцы прайшоў семінар бібліятэчных работнікаў “Роля бібліятэк у захаванні традыцый сямейнага чытання і выхавання”.

11.11.15

На семінар былі запрошаны загадчык аддзела ЗАГСа Баранава Т.Л і дырэктар ДУА “Сацыяльна-педагагічны цэнтр Глыбоцкага раёна” Восіпава А.В., якія  правялі гутарку-дыялог “Сучасная сям’я і яе праблемы”. З кансультацыяй “Бібліятэка і сям’я: вопыт, ідэі, творчасць” выступіла метадыст аддзела бібліятэчнага маркетынгу Катовіч В.В. Удзельнікам семінара быў прапанаваны агляд літаратуры “Тэма сям’і ў творах сучасных беларускіх пісьменнікаў”. Пад час гадзіны творчай ініцыятывы “Арганізацыя работы з сем’ямі ў бібліятэцы” бібліятэкары сістэмы дзяліліся вопытам па наладжванні сямейнага чытання.      

Закончыўся семінар паказальным мерапрыемствам “Сям’я - ключ да шчасця”, на якім прысутнічала прадстаўнік сям’і Ермаловічаў, метадыст па саломапляценні Глыбоцкага Дома рамёстваў, народны майстар Беларусі Ермаловіч М.В. Марыя Вячаславаўна падзялілася сакрэтамі шчасця сваёй сям’і, расказала пра свой творчы шлях і запрасіла ўсіх на персанальную выставу  “Золата зямлі беларускай” у  Дом рамёстваў.