У Глыбоцкай раённай бібліятэцы адбыўся семінар-практыкум “Вывучэнне праграмы PowerPoint”.

Удзельнікамі семінара сталі бібліятэкары сельскіх філіялаў, якія маюць невялікі вопыт бібліятэчнай практыкі і не валодаюць навыкамі стварэння прэзентацыі.

Аднак, пачаўся семінар з мерапрыемстваў, прысвечаных 80-годдзю Вялікай Перамогі.

Супрацоўнік Глыбоцкага гісторыка-этнаграфічнага музея І.Фёдараў выступіў з краязнаўчай інфармацыяй "Халакост на Глыбоччыне". Бібліятэкары больш грунтоўна даведаліся пра трагедыю яўрэяў Глыбоччыны ў гады Вялікай Айчыннай вайны, чаму не ўдалося паўстанне, як трагічна загінулі жыхары мястэчка Глыбокае, убачылі фатаздымкі, якія ілюструюць жыццё ў глыбоцкім гета. Некаторыя факты, асветленыя музейным работнікам, бібліятэкарам былі невядомымі.

Загадчык сектара маркетынгу правяла для бібліятэкараў гадзіну мужнасці “Победившая войну и смерть. Зинаида Туснолобова-Марченко”. Бібліятэкары былі ўзрушаны подзвігам і мужнасцю гэтай незвычайнай жанчыны!

У ходзе практычных занятак бібліятэкары пад кіраўніцтвам супрацоўнікаў сектара маркетынгу вучыліся самастойна ствараць прэзентацыю да запланаваных мерапрыемстваў.