20 верасня 2024 года на базе Падсвільскай гарпасялковай бібліятэкі адбыўся  семінар бібліятэчных работнікаў сістэмы “Публічная бібліятэка. Шляхі навацыйнага развіцця”.

Пачаўся семінар з наведвання Падсвільскай гарпасялковай дзіцячай бібліятэкі, у якой летам быў праведзены значны  рамонт.

Супрацоўнікі Падсвільскай гарпасялковай бібліятэкі шчыра віталі гасцей і запрасілі іх размаляваць "Чароўную птушку жаданняў". Экскурсія па ўстанове закончылася адкрыццём творчай выставы “Творенье добрых рук” метадыста Глыбоцкага ЦТК НТ Таццяны Ламан. 

Затым метадыстам сектара маркетынгу, сацыякультурнай дзейнасці і метадычнай работы была дадзена кансультацыя “Навацыі ў бібліятэцы – новыя шляхі прыцягнення карыстальнікаў”. Бібліятэкар аддзела абслугоўвання і  інфармацыі Глыбоцкай ЦРБ прадставіла тры буктрэйлеры.

Загадчык Падсвільскай гарпасялковай бібліятэкі  падзялілася  вопытам правядзення літаратурнага спрынта, які карыстаецца попытам сярод чытачоў бібліятэкі.

 Загадчык Падсвільскай гарпасялковай дзіцячай бібліятэкі расказала пра інавацыі ў масавай  рабоце бібліятэкі, пра цікавае афармленне бібліятэчнай прасторы і розных выстаў. Асабліва ўсіх зацікавіла інформ-дасье “Героі мірнага часу”, прысвечанае 14 беларусам, якія былі ўдастоены звання “Герой Беларусі” за асобыя заслугі перад дзяржавай і грамадствам.

Прыемным момантам семінара стала віншаванне-знаёмства калектыва з бібліятэкарамі-юбілярамі і новымі супрацоўнікамі сістэмы.

Завяршыўся семінар святочнай праграмай “Бібліятэкарам прысвячаецца..”, прыўрочанай да Дня бібліятэк Беларусі, які весела і душэўна правялі супрацоўнікі Падсвільскага цэнтра культуры.

Загадчык СМСКД і МР Катовіч В.В.