27 красавіка ў цэнтральнай раённай бібліятэцы адбыўся семінар-практыкум “Бібліятэка ў адкрытай прасторы: новыя формы работы” для бібліятэкаў сістэмы. Пачалася вучоба з кансультацыі “Сучасныя формы работы па актывізацыі чытання сярод дзяцей і моладзі”, якую распрацавала бібліятэкар аддзела бібліятэчнага маркетынгу. Супрацоўнік у даступнай форме прадставіkf формы работы - кастынг кніг, бібліятэчны мерчадайзінг, работа ў сацыяльных сетках, - якія дапамогуць па- новаму прадставіць бібліятэку і яе дзейнасць.

“Нетрадыцыйная выстава - гэта сучасна”, пад такой назвай прайшоў абмен вопытам. Правялі яго - Трапук М.Г., бібліятэкар Глыбоцкай дзіцячай бібліятэкі і Каляга А.І., загадчык Падсвільскай дзіцячай бібліятэкі. Яны выступілі з відэапрэзентацыямі  -  "Выставачная дзейнасць Падсвільскай дзіцячай бібліятэкі", "Экологическое просвещение  в Глубокской детской библиотеке", расказалі пра наглядныя формы папулярызацыі літаратуры, падрабязна спыніліся  і распавялі пра афармленне выстаў, падачу інфармацыі, вынік і эфектыўнасць індывідуальнай работы з кожным наведвальнікам.

Метадычныя парады да правядзення патрыятычнай акцыі “Чытаем дзецям аб вайне” раскрыла загадчык аддзела бібліятэчнага маркетынгу Татарчук А.М. У канцы сустрэчы бібліятэкары атрымалі хатняе заданне па тэме семінара.

 28.04.2023 г.