20.06.19

18 чэрвеня для бібліятэкраў ДУК “Глыбоцкая ЦБС” праведзены тэматычны семінар “Прафесійны візіт. Вучымся ў калег”, які прайшоў на базе Шунеўскай сельскай бібліятэкі. Супрацоўнікі бібліятэкары прынялі гасцей у новым памяшканні, у якое недаўна пераехалі.

Загадчык  бібліятэкі Ірына Францаўна Нікіфаровіч  падрыхтавала відэапрэзентацыі “Візітная картка бібліятэкі” і “ Адметнасці роднага краю”, якія раскрылі дзейнасць бібліятэкі, мясцовасць і яе найбольш вядомых жыхароў і ўраджэнцаў.

Метадыст аддзела бібліятэчнага маркетынгу ЦРБ Катовіч Валянціна Вікенцьеўна ў сваёй кансультацыі засяродзіла ўвагу бібліятэкараў на рабоце з малачытаючымі сем’ямі, на актывізацыю дзіцячага чытання, работу з дарослымі жыхарамі, на рэкламе дзейнасці бібліятэк праз СМІ і сацыяльныя сеткі.

Гадзіна нестандартных ідэй  “Вучымся прафесіяналізму” была карыснай для пераймання вопыту. Бібліятэкар Падсвільскай гарпасялковай бібліятэкі Аўласевіч Наталля Казіміраўна расказала пра новыя формы работы:   вечар сямейных рэліквій і  літаратурны пасьянс.  Загадчык Падсвільскай дзіцячай Каляга Аксана Іосіфаўна паказала неардынарныя кніжныя выставы. Загадчык аддзела абслугоўвання Глыбоцкай ЦРБ Багдановіч Кацярына Мікалаеўна правяла біблія-IQ “О героях былых времён”. Мерапрыемствы такога фармату зараз дастаткова папулярныя сярод моладзі горада.

На адкрытай трыбуне “Ёсць чым падзяліцца” калегі распавядалі пра цікавы прафесійны вопыт. Загадчык Глыбоцкай дзіцячай бібліятэкі Андрыеўская Таццяна Іванаўна распавяла пра эклагічную акцыю, выставу і майстар-клас “Пакарміце птушак зімой”, пра фота-віктарыну да Году малой радзімы “Где эта улица, где этот дом”.

Бібліятэкар Марцыбылінскай бібліятэкі падзялілася вопытам правядзення ўрока-дыялога “Выбор профессии – просто и сложно”, на якім зацікавіла старшакласнікаў сваёй прафесіяй. 

Завяршыўся семінар паказальным мерапрыемствам – гульнёй-падарожжам “На бібліятэчным панадворку”. Дзеці на музычным цягніку пабывалі на розных станцыях і паўдзельнічалі ў віктарынах, гульнях, конкурсах.

20 чэрвеня 2019 г., заг. АБМ Глыбоцкай ЦРБ Татарчук А.М.