22.12.15

У Глыбоцкай цэнтральнай раённай бібліятэцы прайшоў майстар-клас “Магія беларускай выцінанкі”.

Калядныя зорачкі, навагоднія сняжынкі, анёлы-ахоўнікі,  святочня сурвэткі і вельмі загадкавыя выразанкі выходзілі з пад нажніц бібліятэкараў і гасцей бібліятэкі. Кіраўнік майстар-класа, загадчык Глыбоцкага дома рамёстваў Таццяна Карнеева, распавяла прысутным аб тэхніцы выразання ўзораў з паперы, асноўных прыёмах і сакрэтах гэтай незвычайнай і казачнай справы.

Час, праведзены за выразаннем, прынёс удзельнікам новыя ўражанні і пачуцці, задавальненне ад ўласнага “майстэрства” ))). “Шэдэўры” упрыгожылі вокны бібліятэкі. А Таццяна Гардзееўна паабяцала ў хуткім часе правесці майстар-клас па распісванню велікодных яек.