21.22.2021

У Падсвільскай г.п. бібліятэцы штогод афармляецца шмат кніжных выстаў рознай тэматыкі. Яны прыцягваюць увагу карыстальнікаў сваёй навізной, яркасцю і неардынарнасцю. Звернем увагу на некаторыя з іх.

Выстава “Я гэты край Радзімаю заву”

Бібліятэкарамі Падсвільскай гарпасялковай бібліятэкі сабрана багата краязнаўчага матэрыялу. Уся інфармацыя размешчана на гэтай выставе.  Каб больш дасканала даведацца пра Глыбоцкі край, пазнаёміцца з яго гісторыяй, культурнай адметнасцю  можна заглянуць   у тэматычныя папкі. Напрыклад:

• “Глыбокае: мінулае і сучаснасць”
• “Глыбоцкі край! Маіх дзядоў калыска. Знакамітыя землякі”
• “Беларускі Версаль (Мосар)”
• “Глыбоцкі Свята-Раства Багародзіцкі сабор”
• “Глыбоччына радком паэтаў”
• “Глыбоччына спеўная”
• “Глыбоччына ў легендах і паданнях”
• “Нематэрыяльна гісторыка-культурныя каштоўнасці Глыбоцкага раёна”
• і іншыя.

Матэрыял пра гарадскі пасёлак Падсвілле прадстаўлены у папках:

• “Гісторыя гарадскога пасёлка Падсвілле”
• “Гісторыя Падсвільскай гарпасялковай бібліятэкі”
• “Народныя майстры Падсвілля”
• “Кветкаводы-аматары”
• “Падсвілле на фотаздымках (фотаздымкі 60-х гадоў)”
• “Падсвільскі світанак”
• “Людзі і іх справы”
• і іншыя

На тэму Вялікай Айчыннай вайны сабраны папкі “Іх подзвіг у памяці народнай”, “Памяць: землякі – удзельнікі ВА вайны”, “Жыцце апаленае вайной”.

Багата маецца матэрыялу па творчасці Язэпа Драздовіча. Папка “Вечны вандроўнік”, альбомы, кнігі, прысвечаныя знакамітаму земляку дапамогуць чытачу больш дасканала пазнаёміцца з жыццёвым і творчым шляхам мастака.

З мэтай папулярызацыі творчасці беларускіх пісьменнікаў на працягу ўсяго года на абанеменце дзейнічае выстава-віншаванне “Беларускія пісьменнікі – юбіляры 2021”.

Каля выставы праводзяцца малых форм  мерапрыемствы, на якіх бібліятэкары прапануюць чытачам даведацца аб цікавых фактах з жыцця пісьменнікаў, арганізуюцца тэсты па творчасці літаратараў. Усё гэта вызывае цікавасць у чытачоў да твораў беларускіх пісьменнікаў-юбіляраў. Радуе, што кнігі, якія прадстаўлены на выставе, перачытваюцца па  некалькі раз.

Выстава “Падсвілле літаратурнае”     

Багатая і шчодрая Падсвільская зямля на таленты. Кожны яе куточак адметны не толькі сваёй непаўторнай прыгажосцю прыроды, але і людзьмі: майстрамі слова і мастакамі, вучонымі і спартсменамі, акцерамі.

Нам, падсвільчанам, пашчасціла.У нас свая літаратурная галактыка – гэта

паэтэса, член Саюза беларускіх пісьменнікаў Марыя Баравік, празаік і мастачка Людміла Андзілеўка, член грамадскага аб’яднання “Саюз пісьменнікаў Беларусі”, лаурэат літаратурнай прэміі імя Петруся Броўкі Зоя Наваенка, самадзейныя аўтары шматлікіх кніг  Таіса Роліч, Людміла Баброўская.

У чытальнай зале аформлена выстава “Падсвілле літаратурнае”, якая раскрывае не толькі кніжны скарб мясцовых паэтаў і пісьменнікаў, але і звесткі пра іх творчы шлях. Так, з творчым і жыццёвым шляхам можна пазнаёміцца, заглянуўшы  у папкі  “Душа пяром пісала” (Марыя Баравік), “Полистаю жизни я страницы…” (Зоя Наваенка), “Славутыя падсвільчане”.

З мэтай знаёмства і папулярызацыі творчасці мясцовых пісьменнікаў і паэтаў, на аснове  гэтых матэрыялаў бібліятэкары  складаюць відэаролікі і відэапрэзентацыі.

Татарчук А.М., заг. АБМ Глыбоцкай ЦРБ