25 студзеня ў актавай зале Глыбоцкай цэнтральнай раённай бібліятэкі праходзіла дыялогавая пляцоўка “Гісторыя Віцебскай вобласці: лічбы, факты,  падзеі”,  прымеркаваная да 85-годдзя ўтварэння рэгіёна.

Арганізатары - супрацоўнікі Глыбоцкага гісторыка-этнаграфічнага музея. Удзел у мерапрыемстве прынялі члены Каардынацыйнага  савета грамадскіх аб'яднанняў і палітычных партый, кіраўнікі па патрыятычным выхаванні гарадскіх школ. Ішла размова  пра найбольш значныя падзеі ў гісторыі рэгіёну, адметныя мясціны нашага краю, пра выдатных ураджэнцаў Віцебшчыны. Іх увазе была прадстаўлена медыялекцыя “Гісторыя ўваходжання Глыбоцкага раёна ў склад Віцебскай вобласці” і інтэлектуальная гульня “Мая Віцебшчына”.

Супрацоўнікі бібліятэкі аформілі кніжную выставу “Мой край: настоящее, прошлое, будущее”, на якой  былі прадстаўлены разнастайныя маляўнічыя  альбомы пра горад Віцебск і раёны вобласці з інфармацыяй аб гісторыі краю і сучаснасці. Поўна раскрыць выставу дапамог агляд  дадзенай літаратуры, які  правёў бібліятэкар чытальнай залы Юркевіч Ж.Б.